BLOAVEZH MAT D'an holl leoniz e Kanton LOKOURNAN

Bloavezh Mat

Ur bloavezh nevez : Un heuliad devezhioù

            Ra vo an Nevez-Amzer evidoc’h ur bromesa

            Ra vo an Hañv evidoc’h un trec’h

            An Diskar-Amzer un douster

            Hag ar Goañv ur Peoc’h.

Ur Bloavezh nevez : devezhioù ha devezhioù da zont

            Ra vo ho fazioù evidoc’h ur gentel

            Ra vo skañv ho trubuilhoù

            Ar Spi hag ar Fiziañs d’ho harpo

            Ar Garantez d’hoc’h entano

            Ar Spered d’ho sklêrijenno

            Ha ra vo gras Doue ho pae.

Ur bloavezh nevez : devezhioù disheñvel

            Ra vo ar chañs war ho hent,

            Ra vo ar berzh war ho roud

            Ra c’hoarzho ouzhoc’h pep Beure

            Ra dommo d’ho kalon pep kreisteiz

            Ra vo evidoc’h pep noz un diskuizh

Ur Bloavezh nevez : steudad devezhioù

            Ha bulzun an amzer ’vel ur wennili

            E stern ho labour o steuiñ

            Hervez hetoù ar Vretoned

            Ur marelladur a Evurusted.

Angela DUVAL

1966-1967